ထို့နောက်တွင်မူ ထိန်းမနိုင် သိမ်းမရ ဒေါသပေါက်ကွဲနေသည့် မိန်းကလေးက သူမ၏ ချစ်သူကို ရထားတွဲပေါ်မှ ဆွဲချကာ ဘူတာစင်္ကြံတစ်လျှောက် တရွတ်ဆွဲသွားခြင်း ဖြစ်သည်။ အမျိုးသားသည် ထိုမျှ အကျပ်အတည်း ဆိုက်ရောက်နေသည့် အခြေအနေတွင်ပင် ဖုန်း၏ Screen ကို လှမ်းကြည့်နေဆဲ ရှိသည်ကို တွေ့ရသည်။
အစောပိုင်းတွင် အနီးအနားရှိ လူအများက ယင်းဖြစ်ရပ်မှာ မိုဘိုင်းဖုန်း ကုမ္ပဏီ တစ်ခုခု၏ ကြော်ငြာစတန့်ထွင်မှု တစ်ခုဟု အထင်မှားခဲ့သေးသည်။ ထို့နောက်ပိုင်းတွင်မှ အခြေအနေ ဆူပွက်လာကြောင်း သတိထားမိလာကြသလို ဖြစ်ရပ်ကိုလည်း ဓာတ်ပုံများ ရိုက်ယူထားခဲ့သည်။ တစ်ကြိမ်တွင် မိန်းကလေးသည် အမျိုးသား၏ မေးရိုးကို ခြေထောက်ဖြင့် တွန်းကန်ရင်း လက်ထဲမှ ဖုန်းကို ဆွဲလုနေသည်ကိုပင် တွေ့ရသည်။
မျက်မြင်တစ်ဦးဖြစ်သည့် ယွမ်ဖန်းက “တော်တော်ဆိုးတဲ့ အခြေအနေပဲ။ သူတို့စုံတွဲ အော်ကြီးဟစ်ကျယ် အပြန်အလှန် ပြောနေတာကို ကြောက်လန့်ပြီး ကလေးတစ်ယောက် ထငိုတာတောင် တွေ့လိုက်သေးတယ်။ နောက်တော့ မိန်းကလေးက ဖုန်းကိုလုဖို့ ကြိုးစားရင်း အခြေအနေတွေ ဆိုးကုန်တော့တာပဲ”ဟု ပြောကြားခဲ့သည်။ သူမက “ကောင်လေးက နောက်ကလိုက်လာတာ။ ကောင်မလေးက ရုတ်တရက်လှည့်ပြီး ဖုန်းကို လုတော့တာပဲ။ ဘူတာမှာ ရထားတံခါး ပြန်မပိတ်ခင် စင်္ကြံပေါ် ပြန်ရောက်သွားကြတယ်။ ကောင်မလေးက ဖုန်းကိုလွှတ်ဖို့ချည်း အော်ပြောနေတယ်လေ။ အဖြစ်ကတော့ အစတည်းက တော်တော်ကြမ်းတယ်”ဟုလည်း မှတ်ချက်ပြုခဲ့သည်။
နောက်ပိုင်းတွင် မိန်းကလေးမှာ အတန်ငယ် စိတ်လျှော့လိုက်ဟန်ရှိပြီး အမျိုးသားကို အခြားလူစီးတွဲ တစ်ခုပေါ် ပြန်ဆွဲတင်လာခဲ့သည်ကို တွေ့ရသည်။ သူမက ချစ်သူကို ချိုင်းကြားမှ လက်လျှိုကာ ဆွဲတင်သွားချိန်ထိ အမျိုးသားက iPhone ကို မျက်ခြေပြတ်မခံဘဲ ကြည့်နေသည်ကိုလည်း တွေ့ရှိရသည်။
_Ref: Dailymail
7Day Daily
0 comments:
Post a Comment