ဆရာချစ်ဦးညို
****************
လူငယ်တွေကိုအားကိုးပြီးတော့ လူငယ်တွေအပေါ်မှာ စေတနာကောင်းအရမ်း ထားတဲ့သူတစ်ယောက်ဆုံးရှုံးရတာပေါ့ဗျာ။ လူငယ်တွေအပေါ်မှာ စာရေးတော့လည်းပါတယ်။ ဟောပြောတော့ လည်းပါတယ်။ လူငယ်တွေအပေါ် အရမ်းအားကိုးတဲ့သူတစ်ယောက်ပေါ့။ သူ့ရဲ့အချိန်တော်တော်များများကို လူငယ်တွေနဲ့ပတ်သက်ပြီးတော့ပဲ အချိန်တွေကုန်စေတယ်။ သူ့ကိုချစ်ခင်လေးစားတဲ့လူငယ်တွေလည်းအများကြီးရှိပါတယ်။ တချို့ဆို လူကြီးတွေတောင် ဖြစ်နေပါပြီ။ သူတို့အားလုံးက ဆရာကြီးအပေါ်မှာ ချစ်ခင်လေးစားကြပါတယ်။ ဒီတော့ အားလုံးအတွက်တော့ ကြီးမားတဲ့ဆုံးရှုံးမှုတစ်ခုပါပဲ။
ကဗျာဆရာစောဝေ
**********************
ပြောရဲဆိုရဲရှိပြီး အရမ်းလေးစားရတဲ့ဆရာကြီးပါ။ အရင်တုန်းက တောင်ငူမြို့ပတ် ချာလည်မှာဆို ဆရာဦးအောင်သင်းရဲ့ဟောပြောပွဲရှိရင် သူ့ရဲ့ဟောပြောပွဲကို အမြဲတမ်းသွား ရောက်နားထောင်ဖြစ်ပါတယ်။ သူပြောတဲ့စကားလုံးတိုင်းမှာ အမှန်တရားနဲ့ သိပ်နီးတယ်။ အဲ့ဒါက ကျွန်တော်တို့ရဲ့ အတုယူစရာပါပဲ။ ဒီနေ့ကျတော့ ကျွန်တော် အင်မတန်မက်မောတဲ့ Facebook က မိနစ်မဆိုင်းဆရာကြီးရဲ့ နာရေးသတင်းကို မြင်တွေ့လိုက်ရတဲ့အတွက် Facebook ကို အရမ်းစိတ်တိုမိပါတယ်။
ဆရာကြည်မင်း
******************
မြန်မာစာပေအနုပညာလောကအတွက် တန်ဖိုးဘယ်လိုမှမဖြတ်နိုင်တဲ့ ဆရာ ကြီးတစ်ယောက်ပါ။ ဆရာကမြန်မာနိုင်ငံမှာရှိတဲ့ လူငယ်တွေရဲ့ အနာဂတ်အတွက် အနာဂတ် တံခါးလေးဖွင့်ပေးသွားပါတယ်။ သူရဲ့စာပေတွေ၊ ဟောပြောချက်တွေ ကျွန်တော်တို့အတွက် အလွန်ကျေးဇူးကြီးပါတယ်။ ဆရာကွယ်လွန်သွားတာ ဆရာ့ရဲ့ကျန်ရစ်တဲ့မိသားစုနဲ့ထပ်တူ ထပ်မျှဝမ်းနည်းရပါတယ်။
ဆရာဆောင်းဝင်းလတ်
************************
ဆရာကြီးက မြန်မာပြည်မှာရှိတဲ့ မြန်မာလူငယ်ထုအားလုံးကို အမြဲတမ်းတိုးတက် စေချင်တယ်။ အလင်းရောင်တွေရစေချင်တယ်။ အဲဒီအတွက် သူကအားသွန်ခွန်စိုက်စာတွေ ရေးသွားတယ်။ ဟောပြောသွားခဲ့ပါတယ်။ စာပေကျေးဇူးရှင် ဆရာကြီးတစ်ဦးပါ။ နောက်ပြီး တော့ မြန်မာနိုင်ငံအနယ်နယ်အရပ်ရပ်မှာရှိတဲ့ စစ်အစိုးရဖိနှိပ်ထားတာကို ခံစားနေရတဲ့ မြန်မာပြည်ကလူတန်းစားအားလုံးဘက်ကလည်းပဲ အမြဲတမ်းမားမားမတ်မတ်ရပ်တည်ပေး ခဲ့ပါတယ်။ အခုလိုစာပေကျေးဇူးရှင်ဆရာကြီးတစ်ယောက် ဆုံးရှုံးရတဲ့အတွက် အရမ်းဝမ်း နည်းဖို့ကောင်းပါတယ်။
ကဗျာဆရာသူရဇော်
**********************
လူငယ်တွေအတွက်ကို အမြဲတမ်းအားတက်ဖို့အတွက် စာတွေ ရေးခဲ့တဲ့ဆရာကြီးတစ်ယောက်ပါ။ စာပေဝေဖန်ရေးတွေနဲ့ ပတ်သက်လို့လည်း ထောက်ပြပြောဆိုခဲ့မှုတွေလည်း အများကြီးလုပ်ခဲ့ပါတယ်။ မြန်မာနိုင်ငံရဲ့စာပေ လောကအတွက်တော့ အလွန်ကြီးမားတဲ့ ဆုံးရှုံးမှုတစ်ခုပါပဲ။
ဆရာမောင်ကိုကို(အမရပူရ)
*********************************
ဆရာဦးအောင်သင်း ဆေးရုံတက်နေတုန်းက ကျွန်တော်သူ့ဘဝအ ကြောင်းတွေကို ကျွန်တော်အင်တာဗျူးလုပ်ခဲ့ပါတယ်။ သူကတော့ သူ့ဘဝအကြောင်းတွေကိုပြောတာပေါ့လေ။ အဲဒီအထဲမှာ အ မှတ်ရဆုံးကတော့ သူ့တစ်သက်(မသေခင်)မှာ အောင်သင်းရဲ့ အခမ်းနားဆုံး၊ အကြီးကျယ်ဆုံးဟောပြောပွဲကြီးတစ်ခုလုပ် ချင်တယ်တဲ့။ လူငယ်တွေအတွက်ပေါ့လေ။ တခြားဟော ပြောပွဲတွေနဲ့မတူတဲ့အောင်သင်းရဲ့ အထူးဟောပြောပွဲ ကြီးလုပ်ချင်တယ်ပေါ့လေ။ သူ့ရဲ့မွေးရပ်မြေမှာလုပ်ရမ လား ရန်ကုန်မှာလုပ်ရမလားစဉ်စားနေခဲ့ပါတယ်။ အဲဒီ စကားလေးပဲ အမှတ်ရနေခဲ့ပါတယ်။ သူ့ရဲ့အထူးဟော ပြောပွဲကြီးမလုပ်ခဲ့လိုက်ရပါဘူး။
စာရေးဆရာနိုင်ဇော်
***********************
ဆရာကြီးကတော့ ကျွန်တော်တို့အ တွက် တကယ်ကြီးမားတဲ့ဆုံးရှုံးမှုကြီးပါ။ ကျွန် တော်တို့အပေါ်မှာ ကျေးဇူးတွေအများကြီး ရှိပါတယ်။ တစ်ခုကွက်ပြောရမယ်ဆိုရင် ၈ဝ စုနှစ်မှဝထ္ထုတိုရေးတဲ့သူတွေပေါ်လာတဲ့အခါ ဆရာကြီးကထောက်ပြပေးခဲ့ပါတယ်။ သူရေး ပေးတဲ့ဝထ္ထုတိုတွေက တကယ်ပဲမျှမျှတတဖြစ် ခဲ့ပါတယ်။ သူ့ရဲ့လမ်းပြမှုတွေဟာ ကျွန်တော် တို့ကိုအထောက်အကူပြုစေပါတယ်။ ဒါက တစ်ခုတည်းကိုပဲ ထောက်ပြတာပါ။ အခုလိုဆုံးရှုံးတဲ့အတွက် ကျွန်တော် အရမ်းပဲဝမ်းနည်းရပါတယ်။
TheFlowerNews
0 comments:
Post a Comment