ဖိလစ်ပိုင်ဘောလုံးအဖွဲ့ချုပ်အနေဖြင့် မြန်မာနိုင်ငံ အပါအ၀င် တရုတ်(တိုင်ပေ)၊ မလေးရှား၊ ပါလက်စတိုင်းနှင့် ဗီယက်နမ် အသင်းတို့ကို ဖိတ်ကြားထားခြင်းဖြစ်သည်။ Philippine Peace Cup ပြိုင်ပွဲများကို ၂၀၁၂ခုနှစ်မှ စတင် ကျင်းပပြုလုပ်ခဲ့ပြီး အိမ်ရှင်ဖိလစ်ပိုင်အသင်းမှာ ၂၀၁၂၊ ၂၀၁၃ခုနှစ်များတွင် ဗိုလ်စွဲထားသည်။
မြန်မာနိုင်ငံ ဘောလုံး အဖွဲ့ချုပ် မီဒီယာ ဒါရိုက်တာ ဦးစိုးမိုးကျော်က ” ဖိလစ်ပိုင် ဖိတ်ခေါ်ဖလား ပြိုင်ပွဲကို ၀င်ရောက်ယှဉ်ပြိုင်သွားဖို့ ပြင်ဆင်နေပါတယ်။ ဒီပြိုင်ပွဲ ကျင်းပချိန်ဟာ မြန်မာ နေရှင်နယ်လိဂ် ပြိုင်ပွဲ ကျင်းပနေချိန်နဲ့ တိုက်ဆိုင်နေတာကြောင့် လက်ရွေးစင် အသင်းအတွက် ညှိနှိုင်းဆောင်ရွက် သွားရမှာပါ။ ဒီပြိုင်ပွဲ ခရီးစဉ်က လက်ရွေးစင် အသင်း အတွက် ဆူဇူကီး ဖလားပြိုင်ပွဲ အကြို ပြင်ဆင်မှုဖြစ်လို့ အခြားခြေစမ်းပွဲတွေ ထပ်ကစားသွားဖို့တော့ မရှိပါဘူး။ နည်းပြချုပ် အယ်ဗရာမိုဗစ် အနေနဲ့ ဆူဇူကီးဖလားပြိုင်ပွဲအတွက် ဒီပြိုင်ပွဲခရီးစဉ်ဟာ လုံလောက်မှုရှိပြီး ခြေစစ်ပွဲအောင်မြင်မယ်လို့ ယုံကြည်ကြောင်း ဆိုထားပါတယ်” ဟု ထုတ်ဖော်ပြောဆိုသွားခဲ့သည်။
0 comments:
Post a Comment