မြန်မာနိုင်ငံမှာ ရေရှည်တည်တံ့တဲ့ ငြိမ်းချမ်းရေးရရှိဖို့ နီးစပ်လာပြီဖြစ်ကြောင်း ဒုတိယသမ္မတ ဒေါက်တာ စိုင်းမောက်ခမ်းက ဒီကနေ့ ပြောကြားလိုက်ပါတယ်။
လက်ရှိမှာ နိုင်ငံရေးဆွေးနွေးပွဲ မူဘောင်တစ်ရပ်ဖြစ်ပေါ်လာဖို့ ကြိုးစားနေကြောင်း နေပြည်တော် အပြည်ပြည်ဆိုင်ရာ ကွန်ဗင်းရှင်းစင်တာမှာ ဒီကနေ့ကျင်းပတဲ့ ၆၉ ကြိမ်မြောက် ကုလသမဂ္ဂနေ့ အခမ်းအနားမှာ ဒုတိယသမ္မတ ဒေါက်တာ စိုင်းမောက်ခမ်းက ပြောကြားခဲ့တာပါ။
"မြန်မာနိုင်ငံရဲ့ အသွင်ပြောင်းလဲရေးလုပ်ငန်းစဉ်မှာ ရေရှည်တည်တံ့မယ့် ငြိမ်းချမ်းရေးရရှိအောင် ကြိုးပမ်းဆောင်ရွက်လျှက်ရှိပါတယ်၊ နိုင်ငံရေးဆွေးနွေးမှု မူဘောင်ကြမ်းတစ်ရပ် ပေါ်ထွက်လာအောင် ကြိုးစားပြီး ဆောင်ရွက်နေကြပါတယ်"
ဒါ့အပြင် မြန်မာနိုင်ငံရဲ့ ထောင်စုနှစ်ဖွံ့ဖြိုးရေး ရည်မှန်းချက်တွေဖြစ်တဲ့ ဆင်းရဲနွမ်းပါးမှု ထက်ဝက်လျော့ချဖို့၊ HIV/AIDS ပြန့်ပွားမှု ကျဆင်းဖို့၊ မသင်မနေရ မူလတန်းပညာသင်ယူခွင့်ရရှိဖို့တို့အတွက် ကမ္ဘာ့နိုင်ငံတွေအနေနဲ့ ပူးပေါင်းဆောင်ရွက်ဖို့ လိုအပ်တယ်လို့လည်း ဒေါက်တာ စိုင်းမောက်ခမ်းက ပြောခဲ့ပါတယ်။
အောက်တိုဘာ ၂၅ ရက်၊ ၂၀၁၄
RFA Burmese
0 comments:
Post a Comment